Curso de Iniciación ao Baile Galego

Descripción

Curso on line de iniciación ao baile galego

Un curso de Tequexetéldere impartido por Javier Sanmartín

Horario: Martes de 20.00 a 20.50 h

Duración: 2 meses (8 sesións)

• Novembro -> 17 e 24
• Decembro -> 1, 7 (luns), 15, 22 e 29
• Xaneiro -> 4 (luns)

Prezo: — euros

Prazas limitadas

Este obradoiro está proxectado para aquelas persoas que se inician no baile tradicional galego. Aqueles bailadores que queren entrar no torreiro a danzar e darlle donaire ó corpo nas diferentes ruadas, foliadas, seráns, polavilas, filandóns e reunións en torno ás nosas músicas tradicionais.

A idea de diversión a través da danza onde a improvisación e a expresividade corporal se transmite en complicidade coa túa parexa de baile ou de forma colectiva.

Así mesmo, este Obradoiro nace para ser tamén unha aproximación inicial e ferramenta didáctica en programacions de ensino, ocio e tempo libre e dinámicas de grupo motrices, expresivas e creativas.

Neste curso veremos movementos básicos repetidos na xeografía galega en base ás tradicións transmitidas de xeración en xeración, fonte de sabiduría e información nos diferentes estudos de campo e investigación realizados en vilas e aldeas galegas.
Daremos a coñecer e achegarédesvos á danza tradicional galega a través das diferenzas de expresión e identidade segundo a variabilidade xeográfica.
Iniciaciciarédesvos á expresión corporal e coordinación motriz e musical tendo como base rítmica os diferentes melodías e músicas tradicionais de informantes galegos.
E por último crearemos un espazo de diversión e transmisión da nosa cultural tradicional galega en liña en tempos de especial dificultade de xuntanzas sociais.

METODOLOXÍA

• Oito sesións practicas en liña de 50 min de duración os Martes de 20:00 a 20:50 horas, a través da plataforma Google Meet.
• Espazos e encontros en liña con exposicións teóricas e coloquio entre os bailadores.
• Foliada virtual como remate do Obradoiro.

JAVIER SANMARTÍN LÓPEZ

A súa andaina no baile e na música tradicional se produce dende moi novo na escola e posteriormente no grupo oficial de baile da Agrupación Folclórica Cantigas e Agarimos de Santiago de Compostela. Imparte as primeiras aulas en dita escola de muiñeira chegando posteriormente á dirección do grupo de baile desta Agrupación. Asemade, inicia novos sendeiros como mestre de baile e música tradicional en diferentes Agrupacións e Asociacións culturais galegas e no exterior, como a da Escola de baile e música tradicional de Dumbría ,Centro Social de Cee, CEIP de Carnota, CEIP de Dumbría, Escola de baile do Centro Cultural A Ponte Vella de Reis, Escola de baile da Agrupación Tequexetéldere da Estrada e grupos da Galiza exterior…

Actualmente dirixe o grupo oficial de baile do Centro Cultural A Ponte Vella de Teo ( 2007-Actualidade ), o grupo de baile Tequexetéldere da Estrada ( 2009-Actualidade ) e o grupo de baile da Agrupación Folclórica Cántigas e Frores de Lugo ( 2015- Actualidade ).

A súa dedicación ó ensino ten como base a investigación de tradicións en torno á música e ó baile tradicional, a través da recolleita e recopilación en diferentes vilas e aldeas galegas. Esta afección polas nosas tradicións fai posible a realización e dirección de diferentes experiencias e mostras etnográficas como o espectáculo de raíz ” Lenda ” ( CC. A Ponte Vella 2018-2020 ), “ O son do sabugueiro ” ( C.C. A Ponte Vella 2015-2017 ), “ Voa ” ( Tequexetéldere 2016-2017 ), Gala XXV Aniversario Tequexetéldere ( 2015 ), Gala etnográfica “ Como cho conto ” ( Cantigas e Agarimos 2010 ), Gala etnográfica “ Lela ” ( Cantigas e Agarimos 2011-12 ), “ O Casamento”. ( C. S. de Cee 2007 ) ou a mostra “ O Serán ” ( E. M. Dumbría 2005-2006 ), entre outros.

Por último indicar a realización de diversos talleres en festivais e obradoiros de cultura tradicional en Galiza, Portugal, Barcelona, Italia, Bélxica ou Francia.